tg-me.com/aryentvnews/56788
Last Update:
🔻ئمڕووژ هەفتمین ساڵڕووژ گیانبەختکردن گەریلا ئارمان عەزیزیە
ئمڕووژ هەفت ساڵ وە سەر گیانبەختکردن گەریلای یرک ئارمان عەزیزی خەڵک داڵاهۆ کە لە لایەن رژیم ئێران شەهید کریا گوزەرێ.
ڕۆڵەیل قارەمان لە هەر چوارپارچەی کوردستان بەشدار ڕز تێکوشان جمشت ئازادی بینە و ئەڕا ئازادی کوردستان بێ وچان تێکوشان کردنە و گەریلای فرەیگ خوەیان فەدای ئازادی گەل و کوردستان کردنە.
ساڵ ١٣٩٦ ژمارێ لە گەریلایەیل یرک لە ئاوایی ساوان شار بانە کەفتنە کەمین هێزەیل ڕژیم ئێران.
گەریلایەیل لە وەرانوەر هێزەیل ڕژیم بەرخوەدان قارەمانانە کردن و لە ئەنجام گەریلای یرک، ئارمان عەزیزی ناسریای وە سمکۆ ڕووژهەڵات خەڵک داڵاهۆ ئوستان کرماشان شەهید بی و چیە ڕز کاروان نەمرەیل.
شەهید سمکۆ خەڵک ناوچەی داڵاهۆ بی و لە ئومر جوانی سیاسەت قەڕ کردن لە سەر گەلەگەی ئحساس کرد و ئەڕا ئازادی گەل لە ساڵ ٢٠١٤ بەشدار تێکوشان بی و دژ وە سیاسەتەیل دوژمن ئەڕا ئازادی گەل کورد تێکوشان کرد.
ئەو وەخت فەرماندەیی یرک وە بلاو کردن بەیانیەییگ سەربار پرسە و سەرەخوەشی لە بنەماڵەی شەهید سمکۆ قەوڵ دا کە تێکوشآن خوەمان ئەڕا ئنتقام سەندن خوین هەڤاڵەیمان بەرزترەو کەیم.
@aryentvnews
BY Aryen TV
Share with your friend now:
tg-me.com/aryentvnews/56788